Diplomati shqiptar, Lisen Bashkurti u ka bërë thirrje liderëve të partive politike në Kosovë që nëpërmjet dialogut t’i zgjidhin problemet.

Ai në një intervistë për ‘Epokën e re’ tha se rruga e vetme më e drejtë, më e shpejtë dhe pa kosto për tejkalimin e krizës është inicimi sa më parë i dialogut politik midis palëve.

Por, sipas tij, dialogu nuk mund të bëhet me kushte në fillim të tij dhe nuk mund të paragjykohet në rezultatet e pritshme të tij.

Bashkurti, duke folur në zgjedhjen e presidentit, ka thënë se në momentin politik e ndërkombëtar që kalon Kosova, zgjedhja e Hashim Thaçit president është e domosdoshme, e drejtë, e arsyeshme dhe shumë e dobishme për Kosovën dhe marrëdhëniet ndërkombëtare të saj. /Telegrafi/