Dy fraksionet e Ballit Kombëtar janë bashkuar në Prizren. Bashkimi i tyre është bërë për nder të Festës së 28 Nëntorit.

Kryetari i Ballit Kombëtar Bedri Çejku thotë se dy fraksionet e këtij subjekti politik, janë shndërruar në një trup të vetëm.

“Bashkimi i Ballit Kombëtar ka ardhur për nder të 103 vjetorit të Pavarësisë së Shqipërisë”, tregon Çejku për TV Besa,transmeton PrizrenPress.

Ai tha se dy fraksionet e partisë janë pajtuar që vitin e ardhshëm të koordinohen për Kongresin Zgjedhor.

Ndërkaq, Lulëzim Habiballari, i cili ka udhëhequr njërin krah të Ballit Kombëtar, tha se ndarja e partisë pat ardhur si rezultat i disa frustrimeve të Kryesisë.

“Kanë qenë disa frustrime. Tash kemi ra në ujdi për bashkimin e partisë”, tha Habiballari.