Afati kalimtar i transferimeve do të përfundoj me 31 gusht, pas mesnatës, por Barcelona nuk do të ndalet as pas 1 shtatorit.

Sipas Mundo Depotivos, ekipi katalunas do të vazhdoj punën për transferimin e mesfushori të Schalkes, Leon Goretzka.

Robert Fernández, sekretar teknik i Barcelonës, e ka vëzhguar lojtarin në ndeshjen mes Schalkes dhe Leipzigut dhe ka vendosur që ta transferoj 22 vjeçarin.

Goretzka ka kontratë me klubin nga Bundesliga deri në vitin 2018, derisa Barcelona do të tentoj që lojtarin ta transferoj pa shpenzuar asnjë cent.

Reprezentuesi i Gjermanisë qysh nga janari i vitit 2018 ka të drejtë të nënshkruaj me klubin e ri. Por, konkurrent të Barcelonës për Goretzka është Bayern Munich. /Express/