Barcelona kërkon t’i parakalojë klubet kundërshtare në garë për Dani Olmon gjatë afatit kalimtar të janarit.

Spanjolli I cili është pjesë e Leipzig në Bundesligë, ku po bën një paraqitje shumë të mire, ishte pranë transferitmit në Spanjë pikërisht te katalonasit gjatë verës, por akordi nuk u arrit me lojtarin që preferoi të qëndronte në Gjermani.

Gjithsesi, blaugranat nuk dorëzohen dhe gjatë janarit do të rinisn sërish bisedimet për ta transferuar 23-vjecarin në “Camp Nou” gjatë dimrit.

Kontrata e spanjollit me klubin gjerman përfundon më 30 qershor të vitit 2024 dhe vlera e tij në transfermarkt kap shumën e 50 milionë eurove.