Barcelona raportohet se ka shprehur interesim për Sofyan Amrabat, i cili mori vëmendjen e shumë klubeve pas paraqitjeve të tij të mira me Marokun në Kupën e Botës “Katar 2022”.
Sipas “Relevo”, Barça është e interesuar për të transferuar marokenin pasi e vlerësojnë si zëvendësues të Sergio Busquetsit, transmeton Gazeta Express.
Spanjolli pritet të largohet si futbollist i lirë nga “Camp Nou” pas përfundimit të sezonit.
Në anën tjetër, Fiorentina thuhet se do të lejonte largimin e 26-vjeçarit duke kërkuar së paku 40 milionë euro për të.
Amrabat me klubin italian ka kontratë të vlefshme deri në verën e vitit 2024.
Për të besohet se interesim serioz ka shfaqur edhe Liverpooli. /Gazeta Express/