Barcelona ka shënuar fitore ndaj Real Sociedadit me rezultat minimal 0:1 në udhëtim në kuadër të javës së 33-të në La Liga.
Goli i vetëm i ndeshjes erdhi në minutën e 11-të, kur shënoi Aubameyang pas asistimit nga Ferran Torres, shkruan Gazeta Express.
Më pas ndeshja nuk prodhoi gola dhe katalonasit iu gëzuan fitores së 18 kampionale.
Me këtë triumf, Barcelona shkon në vendin e dytë me 63 pikë, aq sa ka edhe Sevilla në vendin e tretë, por me një ndeshje më shumë të zhvilluar.
Në anën tjetër, Real Sociedadi mbetet i gjashti me 55 pikë, gjashtë më pak se Atletico Madrid i vendit të katërt.
