Barcelona mund ta shfrytëzojë interesimin e Tottenhamit në Rafinhan për ta siguruar transferimin e Christian Eriksenit, sipas Sport.
Rafinha e kaloi pjesën e dytë të sezonin të kaluar si i huazuar te Interi, por gjiganti i Serie A nuk e ka aktivizuar opsionin për ta blerë mesfushorin për 35 milionë euro, transmeton Gazeta Express.
Rafinha nuk është pjesë e planeve të Barçës, prandaj katalonasit mund ta shfrytëzojnë interesimin e madh të Mauricio Pochettinos për Rafinhan dhe ta përfshijnë atë në një marrëveshje të mundshme për ta blerë Eriksenin.
Barcelona tani është në kërkim të një lojtar që mund ta plotësojë boshllëkun e lënë nga largimi i Andres Iniestas këtë verë, dhe mesfushori danez shihet si zëvendësues ideal i spanjollit. /Gazeta Express/