Barcelona është e gatshme ta largojë Philippe Coutinhon nga Camp Nou qysh në afatin kalimtar të janarit.

Barcelona është e hapur ta shesë yllin e vet brazilian Coutinho në Newcastle United në janar, raporton Gazeta Express.

Coutinho është zëvendësues te gjiganti katalonas dhe duke e parë pagën e lartë që ka, klubi është i gatshëm ta shesë.

Barça është e gatshëm madje që ta lejojë të largohet edhe në një marrëveshje huazimi fillimisht.

Besohet se Newcastle ka shprehur interesim për shërbimet e tij, pasi e ka nisur një epokë të re pasi u ble nga sheikët arabë muajin e kaluar, duke u bërë njëri prej klubeve më të pasura në botë.

Coutinho iu bashkua Barcelonës me shumë bujë nga Liverpooli vite më parë, por dështoi plotësisht ta tregojë vlerën e vet në Camp Nou. /Gazeta Express/