![](https://www.lipjaninews.com/wp-content/uploads/2024/05/IMG_9839-e1715767395447-640x114.jpeg)
Barcelona është treguar skuadër më e fortë përballë Espanyolit në derbin katalunas duke fituar me rezultat 2-0 në Cornella-El Prat.
Një paraqitje jashtëzakonisht cilësore e Blaugranëve në gjysmën e parë, në të cilën arritën të realizojnë dy gola.
Messi pasoi te Jordi Alba që ndodhej në anën e majtë dhe pasimi i tij në zonë u shfrytëzua nga Neymar për golin e parë (17’).
Pas kombinimeve me Iniestan, Suarez asistoi për Lionel Messin, i cili nuk e pati të vështirë të realizonte (25’).
Një veprim aspak i mençur i Jordi Albas në pjesën e dytë. Mbrojtësi i krahut fillimisht mori karton të verdhë duke reaguar me goditje të topit ndaj veprimit të arbitrit, ndërsa sërish shprehu me fjalë pakënaqësinë e tij dhe gjyqtari e nxori kartonin e kuq (54’).
Megjithatë, vendasit nuk kishin fuqi që t’i ndryshonin gjërat në rrjedhën e takimit, megjithëse rastet nuk munguan. Por, as mysafirët nuk ishin të qetë. Messi madje e goditi shtyllën.
Barcelona aktualisht ka pesë pikë më shumë se Real Madridi që këtë javë luan kundër Celta Vigos. /Telegrafi/