Kryetari i Komunës së Lipjanit, Imri Ahmeti, sot ka inspektuar punimet e asfaltimit në fshatin Gadime e Epërme.
Në fshatin Gadime e Epërme, kanë filluar punimet e asfaltimit, ndërsa punimet është duke i kryer kompania “ Kosova Asfalt”, Lipjan.
Për t’i përcjellur mbarëvajtjet e punimeve, ka dalur vet kreu komunal, Imri Ahemti.
Në këtë rast, ai ka thënë se infrastruktura po rregullohet me një dinamikë të shtuar, dhe kryerja e këtyre projekteve është më tepër se nevojë, për të plotësuar implementimin e prioriteteve dhe kërkesave të banorëve në përgjithësi. Ahmeti po ashtu ka deklaruar, se në fillimin e vitit të ardhshëm buxhetor, Gadimja e Epërme, do ta ketë pothuajse të përfunduar të gjithë infrastrukturën rrugore.
Ndërsa banorët e fshatit Gadime e Epërme, janë shprehur të kënaqur, me punët dhe investimet e bëra nga ana e kryetarit Ahmeti.