Gareth Bale ka insistuar se Real Madridi është i bashkuar si ekip dhe janë të vendosur që sivjet të fitojnë trofe.

“Los Blancos” sezonin e kaluar kaluan nëpër një formë të dobët duke humbur gjasat për gjitha titujt e mundshëm, por Bale ka paralajmëruar se sivjet Reali do të jetë një ekip ndryshe dhe me synime të qarta.

“Unë vetëm dua që të luaj mirë dhe t’i ndihmoj ekipit”, ka thënë Bale për kanalin zyrtar të klubit.

“Ekipi është i bashkuar dhe ne duam të fitojmë çdo ndeshje dhe të fitojmë edhe trofetë nëse mundemi”.

Të luaj për Real Madridin është ëndërr. Do të jap gjithçka për këtë fanellë. Tifozët janë shumë të mirë me mua”. /Telegrafi/