Cesar Azpilicueta ka nënshkruar kontratë të re pesëvjeçare me Chelsean.
Mbrojtësi spanjoll kaloi në Stamford Bridge në verën e vitit 2012 nga Marseille dhe ka bërë 95 paraqitje me Blutë.
25-vjeçari është mbrojtës i djathtë, mirëpo në sezonin e kaluar ia zuri vendin Ashley Cole si mbrojtës i majtë dhe këtë pozitë vazhdon ta mbajë edhe këtë edicion përkundër transferimit të Filipe Luis nga Atletico Madridi.
Azpilicueta ka luajtur në të tria ndeshjet e këtij sezoni në Ligën Premier, të cilat Chelsea i ka fituar.
Qëkur kaloi te Blutë, ai njëherësh ka siguruar vend në ekipin e përfaqësueses së Spanjës, ndërsa luajti edhe në Kampionatin e sivjetmë Botëror. /Telegrafi/