Sulmuesi i Borussia Dortmundit, Pierre-Emerick Aubameyang, ka hedhur poshtë mundësinë e kalimit te Paris Saint-Germaini.
Ai ka thënë se nuk e ka në plan që të kthehet në kampionatin francez.
Futbollisti i Gabonit ka shënuar 27 gola në 27 ndeshje këtë sezon dhe po kërkohet nga shumë klube.
Spekulimet për kalimin e tij te PSG po qarkullojnë qe disa javë, pasi që qëndrimi i tij te BVB pritet të përfundojë gjatë verës.
“Transferimi te PSG? Vitin e kaluar ndoshta ishte e mundur, por jo sot. Nuk dua të kthehem në Francë”, ka thënë 26-vjeçari për Canal+. /Telegrafi/
