Atletico pretendon se Ramosi e ofendoi gjyqtarin ndihmës

PUBLIKUAR

Trajneri i Atletico Madridit, Diego Simeone, mbeti i zemëruar që Sergio Ramosi e kishte ofenduar njërin gjyqtar të ndeshjes dhe asnjë veprim nuk u mor ndaj tij.

Sapo gjyqtari kryesor e sinjalizoi fundin e pjesës së parë të derbit të Madridit në “Wanda Metropolitano”, Diego Simeone, i zemëruar, shkoi drejt te gjyqtari Gonzalez Gonzalez për t’u ankuar, transmeton Gazeta Express.

Burimet nga Atletico Madridi më vonë e konfirmuar për AS se Simeone kishte qenë i zemëruar pasi që kapiteni i Real Madridit, Sergio Ramosi, e kishte ofenduar njërin ndër gjyqtarët ndihmës, mirëpo nuk ishte ndëshkuar për këtë gjë.

Sipas Atletico Madridit, Ramosi i kishte thënë gjyqtarit “La puta que te pario” (në shqip fjalë për fjalë “k*rva që të lindi”, kuptimisht “bir k*rve” apo diçka e ngjashme).

Tensionet e shfaqura në fushën e lojës pas pjesës së parë besohet se vazhduan edhe në tunel mes futbollistëve të të dyja skuadrave.

Ndërkohë, Real Madridi dhe Atletico Madridi u ndanë me barazim pa gola në ndeshjen e zhvilluar sonte në stadiumin “Wanda Metropolitano”, në kuadër të xhiros së shtatë të sezonit të ri të La Ligës.

Pika e fituar nga ky derbi i mjafton Real Madridit për ta mbajtur kreun e tabelës së La Ligës, me 15 fituara nga shtatë ndeshjet e para (katër fitore, tri barazime dhe asnjë humbje). Në anën tjetër, Atletico Madridi radhitet në vendin e tretë, me 14 pikë të fituara.

Që të dyja klubet madrilene do ta vazhdojnë rrugëtimin në Ligën e Kampionëve në mesjavë – Atletico Madridi me ndeshjen kundër Lokomotivin e Moskës, ndërsa Real Madridi me atë Club Brugge. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...