Sulmuesi i Interit, Mauro Icardi, pranon se do ta ketë shumë të vështirë të inkuadrohet në ekipin e Argjentinës, pasi për pozitën e tij ka konkurrent Lionel Messin.

Argjentinasi shënoi 27 gola në edicionin e kaluar për zikaltrit, mirëpo deri më tani ka regjistruar vetëm një paraqitje për kombëtaren.

“Në Amerikën Jugore ka disa lojtarë të shkëlqyer. Unë përpiqem ta bëj punën time dhe jam i kënaqur me atë që kam bërë në sezonin e kaluar”.

“Mirëpo, do ta kem të vështirë të bëhem sulmuesi më i mirë jugamerikan, sepse aty janë shumë lojtarë mahnitës nga Argjentina”.

“Unë jam argjentinas dhe e admiroj Messin. Për mua, ai është lojtari më i mirë në botë”, ka deklaruar Icardi.

Superylli i Barcelonës numëron 49 gola në 105 paraqitje për Argjentinën dhe 418 gola në 494 ndeshje me Blaugranët. /Telegrafi/