Mesfushori i Romës, Diego Perotti pranon që askush nuk besoi që klubi italian do të do të kualifikohej në fazën tjetër të Ligës së Kampionëve pas hedhjes së shortit, transmeton zeri.info
Reprezentuesi argjentinas ishte shumë i gëzuar pas kualifikimit të Romës në krye të grupit C të Ligës së Kampionëve.
“Është një moment i mrekullueshëm për ne. Kur ishte hedhur shorti, askush nuk besoi te ne, por ne punuam shumë dhe mendoj se e merituam vendin e parë”, deklaroi Perotti.
Roma fitoi të mërkurën 1:0 kundër Qarabagut dhe shfrytëzoi barazimin 1:1 mes Chelseat dhe Atletico Madridit për të dalë në krye të grupit.
“Ishte natë e vështirë sepse Qarabagu qëndronte prapa dhe silleshin sikur të kishin një arsye për të luajtur”, shtoi ndër të tjera Perotti./Zëri
