Arsenali duket se nuk ka hequr dorë nga Youri Tielemans.

“The Sun” ka raportuar se klubi nga Londra tashmë ka gati ofertën e parë për mesfushorin belg, transmeton Gazeta Express.

Arsenali thuhet se është gati për të dërguar një ofertë prej 30 milionë funteve në drejtim të Leicester Cityt.

Gjithashtu, “Topçinjtë thuhet se kanë besim se do të arrijnë marrëveshje.

Tielemans do të largohet nga “King Power Stadium” këtë verë, teksa edhe klubi e dëshiron shitjen e tij tani, për të mos e humbur falas në vitin e ardhshëm.

Kontrata e 25-vjeçarit me Leicesterin skadon më 30 qershor 2023. /Gazeta Express/