Djelmoshat e Arsene Wenger janë këndellur shpejtë nga humbja e pësuar ditë më parë nga Southamptonit.

Londinezët e dominuan ndeshjen nga fillimi deri në fund duke radhitur rastet para portës së Artur Boruc.

Pas disa rasteve të humbur mbrojtësi brazilian Gabriel u gjet më së miri në zonë ku me kokë shënoi në portën e polakut. Kjo ndodhi në minutën e 27-të.

Në pjesën e parë shumë lehtë Arsenali ka mundur ta dyfishojë epërsinë, pasi topi i goditur përsëri nga Gabriel u kthye te Per Mertesacker i cili në portën e zbrazët nuk shënoi.

Në pjesë e dytë Arsenali kërkoi që ta gjejë golin e qetësisë dhe atë e gjeti në minutën e 63-të.

Një super aksion i filluar nga Ozil që bashkëpunoi bukur me Giroud dhe gjermani doli i vetëm para portierit ku nuk gaboi.

Arsenali ka mundur të shënoj edhe me Hector Bellerinin, Oliver Giroud dhe Alex Oxlade-Chamberlain, por deri në fund shifrat nuk ndryshuan.

Me këtë fitore Arsenali kalon në pozitën e parë me 39 pikë, një më shumë se Leicester City që luan nesër kundër Manchester Cityt./ Telegrafi/