ga një personazh anonim, Dejan Pantiq është kthyer në figurën qendrore, në arsyetimin e radhës për barrikadimin e veriut të Kosovës.

Heqja e tyre, u kushtëzua me lirimin e ish-pjesëtarët të Policisë së Kosovës, që u arrestua ditë më parë nën dyshime të forta që e lidhnin atë me shpërthimet në zyrat e Komisionit Komunal Zgjedhor.

Një kërkesë e tillë, u bë edhe nga vet presidenti i Serbisë, Aleksandar Vuçiq, të dielën mbrëma, e u përsërit gjatë ditës edhe nga kryetari i Listës Serbe, Goran Rakiq.

Por një kërkesë e tillë, për Enver Dugollin, deputet i Lëvizjes Vetëvendosje, njëherësh anëtar i Komisionit për Siguri, është e papranueshme.

“Këtu nuk kemi të bëjmë më asnjë kushtëzim dhe nuk do të lejojmë kushtëzim , pazare në këtë çështje. Republika e Kosovës këtë nuk e pranon,  pasi çështja e arrestimit të ish-policit është çështje ligjore dhe do të trajtohet për veprat e akuzuara. Edhe barrikadat janë pengesë e lëvizjes së lirë të qytetarëve dhe ato duhet të sanksionohen”, ka thënë Dugolli.

Madje kolegu i Dugollit nga ky komision, Hisen Berisha, deputet i PDK-së, kërkesën serbe e konsideron si ndërhyrje në punët e brendshme të shtetit të Kosovës.

“Kosova nuk guxon të bëjë asnjë kompromis në zbatimin e ligjshmërisë, kërkesa e Vuçiqit nuk është asgjë më shumë, veç se të ndërhyj në integritetin ligjorë e kushtetues të Kosovës. Në këto tema nuk guxon të ketë kompromis dhe për këto tema Qeveria do ta ketë mbështetjen e opozitës. Qeveria nuk e ka shfrytëzuar opozitën aq sa ka qenë opozita e gatshme për bashkëpunim por është munduar të bartë përgjegjësinë tek disa çështje”, ka thënë Berisha.

Pantiq, ish-pjesëtar i MUP-it serb, ishte në mesin e zyrtarëve që dhanë dorëheqjen nga Policia e Kosovës, që erdhi si rezultat i pezullimit të drejtorit rajonal të Policisë, Nenad Gjuriq, si rezultat i refuzimit të tij për të zbatuar urdhrat lidheshin me vendimin për targat ilegale.

Dejan Pantiq, është arrestuar të shtunën nën dyshimin se ka organizuar sulmin ndaj zyrave të Komisioneve Komunale Zgjedhore.

Menjëherë pas arrestimit të tij, në shenjë revolte grupet serbe në veri të vendit kanë vendosur barrikada në rrugët që dërgojnë drejt dy pikave kufitare, Jarinjë e Bërnjak, derisa u raportuan edhe incidente të shumta, me sulme të armatosura ndaj zyrtarëve të Policisë së Kosovës./RTV Dukagjini/