Kryeministri në largim Hashim Thaçi ka bërë të ditur se Qeveria e Kosovës sapo ka aprovuar rekomandimin për ndërtimin e autostradës Prishtinë-Shkup.
“Qeveria sapo e aprovoi rekomandimin për ndërtimin e autostradës Prishtinë – Shkup. Vazhdojmë me Misionin e Ri, ndërtimin e infrastrukturës, zhvillimin e Kosovës dhe krijimin e vendeve të reja të punës. HTH”, ka shkruar Thaçi në Facebook.
Kompania e përzgjedhur për ndërtimin e këtij objekti, më të madhit të infrastrukturës në Kosovës në objektivat e Qeverisë në largim, është po ajo që ka ndërtuar Rrugën e Kombit “Ibrahim Rugova”, pra “Bechtel Enka”, një projekt që planifikohet të kushtojë reth 600 milionë euro.