Anëtari i Kryesisë së Aleancës për Ardhmërinë e Kosovës (AAK), Anton Berisha, pas zhvillimeve të djeshme në Kuvendin e Kosovës – suspendimit dhe arrestimit të deputetëve të opozitës, u ka shtruar disa pyetje edhe për këngëtarët e folklorit.
Sipas tij, këngët që ata i kanë kënduar gjithashtu janë duke u zhvlerësuar me arritjen e marrëveshjeve me Serbinë.
“Kjo që po ndodhë është zhvlerësim edhe i krijimeve tuaja. Ju dini të këndoni, por duhet edhe të flisni?”, ka shkruar ndër tjerash Berisha.
Ja postim i plotë i tij:
SOT, NJË PYETJE PËR: Shkurte FEJZA, Mahmut FERATI, Shyhrete BEHLULI, Nazife Bunjaku, Shqipe Kastrati …. : ÇKA ME BÂ ME KANGÊT TUAJA?!
E kam një pyetje për këngëtarët e folklorit: Ku jeni Ju? Cka u bë me të gjitha këngët e juaja që i thuret për të gjithë heronjtë e deshmorët që e lanë me gjak lirinë e Kosovës.
Ato këngë nuk besoj që i keni kënduar për përfitime por se i keni besuar dhe respektuar flijimin e tyre.
Kjo që po ndodhë është zhvlerësim edhe i krijimeve tuaja. Ju dini të këndoni, por duhet edhe të flisni?
Keni për obligim me na tregu, a ben më dëgju kangën tuaj sot, kur Serbia falë marrëveshjes së Kosovës fillon negociatat me Serbinë, e Kosova për të mbrojtur marrëveshjet që fuqizojnë Serbinë, e i falin Malit të Zi tokë tonën, është mbushur policë anëkënd, dhunë, burgosje, tym, krizë totale.
Ju keni mbajtur popullin më këngët tuaja, e populli ju ka mbajtur ju më dëgjimin e tyre. Tregoni, cka me ba me ato kangë?!(sic) /Telegrafi/
