Anëtarja e Bordit të peticionit për gratë e dhunuara gjatë luftës së fundit në Kosovë, Eliza Hoxha, ka vizituar sot Komunën e Lipjanit.

Në këtë rast, ajo ka thënë se qëllimi i nënshkrimit të këtij peticioni është që autorët e gjenocidit të vihen para drejtësisë.

“ Nëpërmjet këtij peticioni kërkojmë nga OKB-ja krijimin e një ministrie e cila do të merret për ndriçimin e gjithë atyre femrave që kanë përjetuar këtë tragjedi”, ka thënë Hoxha, duke shtuar se peticioni qysh nga dita e hënë ka marrë mbështetje të fuqishme nga qytetarët.

“ Peticioni ka vazhduar në gjitha Komunat e Republikës së Kosovës, nënshkrimi nga ana e qytetarëve të Kosovës në rend të parë është mbështetje për gratë që kanë përjetuar këtë tragjedi”, është shprehur Hoxha.

Ndërsa Nënkryetari i Komunës së Lipjanit, Fitim Selimi, ka thënë se ndjeshmëria njerëzore nuk ka munguar asnjëherë ndaj këtij cenimi të rëndë njerëzor.

Ai gjithashtu ka përshëndetur iniciativën e tillë, duke thënë se, Komuna e Lipjanit, ka ofruar gjithë ndihmën e mundshme për t’i bashkuar këtij aktiviteti.fllesh.info/LipjaniNews/