Duket se Carlo Ancelotti do të jetë strategu i cili do ta zëvëndësojë Pep Guardiolan te Bayern Munichu.

Goal ka mësuar se Ancelotti është në bisedime të avansuara me klubin bavarez për një kalim që do të mund të realizohej së shpejti.

Italiani ka mbetur pa punë që prej shkarkimit nga posti i trajnerit të Real Madridit.

Guardiola nuk do ta rinovojë kontratën dhe kështu do të largohet në qershor.

Nëse bisedimet kanë progres ashtu siç është planifikuar, atëherë shumë shpejt pritet konfirmimi për Ancelottin. /Telegrafi/