“Los Blancos” e kishin humbur lojën e parë në shtëpi, 0:1, por bënë përmbysje të hatashme në Camp Nou ndaj Barçës, e cila i kishte disa mungesa, shkruan “Gazeta Express”.
E trajneri Carlo Ancelotti po e shijon këtë moment magjik të skuadrës.
“Gjithçka ishte në rregull. E bëmë një lojë të shkëlqyer dhe e merituam fitoren. Ishte e vështirë në fillim, por në pjesën e dytë ia dolëm mjaft mirë. Jemi të lumtur sepse ishte një ndeshje e vështirë, e menaxhuam mirë. Ishim të pozicionuar mirë dhe në tranzicion i bëmë dëme kundërshtarit”, u shpreh trajneri italian.
Ai e përgëzoi Benzeman për paraqitjen që e bëri, duke thënë se ka ndodhur shpesh që francezi e ka ndihmuar ekipin duke e vendosur vetë lojën. /Gazeta Express/
