Kanë filluar reagimet e partive politike që nuk ishin pjesë e bisedimeve për marrëveshjen e arritur nga OBRM-PDUKM, LSDM, BDI e PDSH, transmeton Telegrafi Maqedoni.

Ambasada e Britanisë së Madhe në Maqedoni, sot e ka përshëndetur arritjen e marrëveshjes të partive politike që u arritë mbrëmë, dhe ka porositur se ata duhet me po aq punë edhe ta zbatojnë atë, njofton Telegrafi Maqedoni.

“Parimisht, qëndrimi im është se çdo marrëveshje është e mirë po aq sa ajo do të zbatohet. Kjo është ajo që ka munguar në të kaluarën. Që të jetë më e suksesshme kjo marrëveshje, partitë duhet të investojnë po aq punë për ta zbatuar atë ashtu siç kanë investuar gjatë kohës së bisedimeve”, deklaroi Poll Edwards, ushtruesi i detyrave në Ambasadën e Britanisë së Madhe në Maqedoni. /Telegrafi/