Ambasada amerikane në Kosovë ka reaguar pas lajmit për djegien e shtëpisë së një shtetasi serb në Cernicë të Gjilanit.
Ambasada e SHBA’së përmes një reagimi në Twitter ka thënë se dhuna që shënjestron komunitetet në Kosovë duhet të jetë e papranueshme, raporton Gazeta Express.
“Dhuna që ka në shënjestër komunitete të pakicave, përfshirë dyshimet e fundit për zjarrvënie të qëllimshme që i kanë prekur shtëpitë e serbëve të Kosovës, duhet të jetë e papranueshme për të gjithë qytetarët që besojnë në paqe dhe drejtësi. Incidente të këtilla duhet të hetohen plotësisht dhe të ketë ndjekje penale për to”, thuhet në reagimin e ambasadës amerikane.
U.S. Embassy Pristina✔@USEmbPristina
Violence targeting minority communities, including recent alleged arson affecting houses owned by Kosovo Serbs, should be unacceptable to all citizens who believe in peace and justice. Such incidents should be fully investigated and prosecuted.
Sot, Kryetari i Komunës së Gjilanit, Lutfi Haziri, ka dënuar aktin e djegies së shtëpisë private të Svetozar Cvetkoviq, në fshatin Cernicë të kësaj komune.
Në reagimin e Hazirit, thuhet se mbrëmë nga Njësia e Zjarrfikësve dhe Policia e Kosovës janë njoftuar për një zjarr në shtëpinë e Svetozar Cvetkovic, në fshatin Cernicë dhe ekipet komunale kanë dalë menjëherë në vendin e ngjarjes.
““Sipas shërbimeve të Komunës, shërbimeve të preventivës dhe Inspekcionit, të cilët kanë dalë në vendin e ngjarjes, zjarri është shkaktuar nga pakujdesia nga një grup i të rinjve, të cilët pa leje kanë hyrë dhe shfrytëzuar shtëpinë private. Hetimet po vazhdojmë dhe në emër të Komunës së Gjilanit e dënoj aktin dhe kërkoj nga organet e drejtësisë që ta thonë fjalën e tyre sa më shpejtë. Ekipet e Komunës janë autorizuar që ta bëjnë vlerësimin e dëmeve të pronës”, thuhet në reagim”, thuhet në reagimin e kryetarit të Gjilanit./GazetaExpress/
