Massimiliano Allegri ka thënë se skuadra e tij e neutralizoi Fiorentinan, ndërsa thekson se Bianconerët do t’i marrin ndeshjet një nga një në rrugën për Scudetto.
Të dielën, Juentusi regjistroi fitoren e gjashtë radhazi në Serie A duke e mposhtur Violan me rezultat 3-1.
Ky triumf e ka pozicionuar Zonja e Vjetër në vend të katërt në tabelë, ndërsa vendi i parë është gjashtë pikë larg.
“Mund të them se Juventusi po kalon një periudhë të mirë, na kanë mbetur edhe dy ndeshje para festave të fundvitit, në Kupën e Italisë dhe në Serie A”.
“Meqenëse jemi kaq shumë prapa, do të ishte e rëndësishme që ta ngushtonim akoma më shumë diferencën para pushimit”, ka thënë trajneri për Sky Sport Italia.
Kujtojmë që Juventusi ishte 11 pikë prapa Romës në javën e 10-të, kurse kur është zhvilluar java e 16-të, Bianconerët ndodhen një pikë para Giallorossëve. /Telegrafi/