Allegri e krahason Ronaldon me Ibran: Ai argëtohet kur fiton

PUBLIKUAR

Trajneri i Juventusit, Massimiliano Allegri, e ka krahasuar yllin portugez Cristiano Ronaldo me atë suedez Zlatan Ibrahimovic, duke i lavdëruar që të dy për urinë e vazhdueshme për fitore dhe tituj.

Pasi e la Real Madridin për Juventusit verën e kaluar, pesë-herë fituesi i Topit të Artë, Cristiano Ronaldo, e shtoi një titull të Serisë A dhe një titull të Superkupës së Italisë në kabintetin e tij, transmeton Gazeta Express.

Ronaldo i kishte fituar tre tituj radhazi të Ligës së Kampionëve dhe gjithsej katër gjatë kohës sa ishte me Real Madridin, me të cilët portugezi i shtoi edhe dy tituj të La Ligës në mesin e arritjeve të tjera.

34-vjeçari nuk ka shfaqur asnjë shenjë se po ngadalësohet përkundër moshës së tij. Këtë sezon në Torino, ai i ka shënuar 21 gola në Serie A dhe 28 gjithsej për Juventusin. Trajneri i tij, Allegri, e ka krahasuar atë me Ibrahmovicin, me të cilin kishte punuar në Milan.

“Sa i përket mentalitetit, ai është më i fortë se kushdo tjetër. Çdo ditë ai gjen një objektivë personale për ta arritur dhe ai i gjen ato brenda vetes”, tha Allegri, i cili e kishte fituar titullin e ligës italiane në vitin 2011 me Milanin, para se t’i bashkohej Juventusit në vitin 2014.

“Një lojtar që ka fituar gjithçka qysh në moshën 34-vjeçare do ta ketë të vështirë të jetë i motivuar për të fituar edhe më shumë, por Ronaldo është vrastar në këtë aspekt. Ai e ka një përkushtim të mrekullueshëm”.

“Për shembull, të shtunën në mëngjes, ne e kemi një ndeshje miqësore mes neve. Ai argëtohet, por argëtimi i tij është fitorja e ndeshjes. E kam shkruar të njëjtën gjë edhe për Ibran në librin tim, edhe ideja e tij e argëtimit është fitorja”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...