Allegri dhe Juve i ndan rrugët pas titullit të tetë radhazi në Serie A në sezonin 2018/19, i cili ishte i katërti nën udhëheqjen e trajnerit italian, transmeton Gazeta Express.
Për 51-vjeçarin, megjithatë, është përfolur se mund ta marrë drejtimin e Chelseat, gjigantit anglez që mund të mbetet pa trajneri nëse Maurizio Sarri i bashkohet Juventusit.
Por, ish-trajneri i Milanit do ta marrë një vjet pushim pas largimit nga klubi torinez.
“E kam pasur më të lehtë ta marrë këtë vendim sesa që kam pritur, për shkak se nuk kam marrë asnjë ofertë”, tha Allegri.
“Sot jemi këtu në këtë mot të mirë, prandaj ta shijojmë dhe kështu jemi gati për pushime”, shtoi ai. /Gazeta Express/