Shefi ekzekutiv i Alfa Romeo, Jean-Phillipe Imparato ka konfirmuar se prodhuesi i makinave do të lansojë një SUV të ri.

Sipas mediave të huaja, përcjell Telegrafi, raportet për një SUV të ri të nivelit fillestar nga Alfa Romeo u shfaqën për herë të parë në prill.

Dhe gjatë një tryeze të rrumbullakët me gazetarët britanikë javën e kaluar, Imparato tha se prodhuesit italian të automjeteve i duhet ky model i ri për të konkurruar kundër rivalëve, përfshirë Mini.

Detajet rreth këtij modeli të ri janë të kufizuara, por raportet sugjerojnë se mund të quhet Brennero, duke iu referuar një kalimi malor në Italinë veriore.

Imparato shtoi se sipërmarrja në segmente të reja SUV do të jetë jashtëzakonisht e dobishme për prodhuesin e automjeteve. /Telegrafi/