Një aksident trafiku ka ndodhur mesditën e sotme në fshatin Llabjan të komunës së Artanës. Si pasojë e aksidentit, tre persona kanë marrë lëndime trupore, raporton Express

Lajmin për Express e ka konfirmuar zëdhënësi i policisë për rajonin e Gjilanit, Ismet Hashani.

Hashani ka bërë të ditur se në aksident kanë qenë të përfshira dy vetura.

“Me datën 14.06.2020  rreth orës 12:30 ne  rrugën e Prishtinës saktësisht në hyrje të fshatit Llabjan policia e Kosovës është njoftuar se ka ndodhur aksident rrugor me lëndime ku të përfshira kanë qenë dy vetura që ishin duke lëvizur nga drejtimi i Prishtinës për Gjilan”, ka thënë Hashani.

Ai ka theksuar se sipas raportit të mjekut në qendrën emergjente, gjendja shëndetësore e të lënduarve është stabile.

“Tre persona kanë pësuar lëndime në ketë aksident, dhe sipas raportit të mjekut në qendrën emergjente në Gjilan gjendja e tyre shëndetësore është e qëndrueshme. Policia e Kosovës është duke i udhëhequr hetimet se si ka ardhur deri te aksidenti”, deklaroi Hashani.

Lexues të Gazetës Express kanë dërguar video nga vendi i ngjarjes, ku shihet se pas aksidentit janë krijuar kolona të gjata.