Policia e Kosovës raporton se në udhëkryqin Janjevë – Lipjan, kanë mbetur të lënduar tetë persona nga një aksident komunikacioni.
Ky aksident është shkaktuar nga pakujdesia e një qytetari i cili me veturën e tij aksidentoi edhe dy vetura të tjera.
Të lënduarit sipas policisë janë dërguar në QKUK dhe gjendja e tyre sipas mjekëve është e rëndë.
Ngjarja raportohet të ketë ndodhur mbrëmë rreth orës 21:00.
“Të lënduarit për shkak të lëndimeve janë dërguar për tretman mjekësor në QKUK dhe gjendja e tyre sipas mjekëve është e rëndë. Lidhur me rastin është njoftuar edhe prokurori dhe rasti shkon në procedurë të rregullt”, thuhet në raportin e policisë.