Kryetari i Prishtinës, Shpend Ahmeti, ka thënë se humoristët Stupcat e kanë arritur qëllimin e tyre me skeqin për UÇK-në.

Ahmeti në rrjetin social Facebook ka shkruar se si ata kanë gjeneruar debat të paparë me skeqet e tyre, e që sipas tij, pa marr parasysh se a pajtoheni apo jo me skeqet e tyre, është sukses i jashtëzakonshëm.

“Jam subjektiv sepse i kam miq, por kjo nuk i ka ndalur asnjëherë as në kritika ndaj neve. Prandaj i respektoj sepse e dijnë shumë mirë çka flasin qytetarët. Por, reagimi i tyre i fundit më bën t’i respektoj edhe më shumë. Ata nuk janë zmbrapsur nga sulmet që i kanë marr. Përkundrazi po citoj:

‘…Do ishte mallkim, sikurse është mallkim që nën emrin dhe petkun e luftës sonë të shenjtë të fshihen profiterë dhe matrapazë të caktuar siç ishin personazhet në skeçin tonë.

Nuk mund të futen në një thes heronjtë dhe hajnat.

Kjo shtëpi, ky shtet duhet të ndërtohen mbi të drejtën e të vërtetën“, ka shkruar Ahmeti./Telegrafi/