Kryetari i komunës së Lipjanit, Imri Ahmeti, të marten ka pritur në zyrën e tij, në një takim të përbashkët pune , përfaqësuesit e Komisionit Evropian, ku në këtë rast, u diskutuan rreth pranim-dorëzimit të punimeve të Bibliotekës së qytetit të Lipjanit.
Kryetari Ahmeti, informoi se komuna e Lipjanit, ka bërë gjitha përgatitjet infrastrukturore për hapjen e Bibliotekës, duke përmendur si kyçjen e ujësjellësit, si dhe atë të rrjetit elektrik.
Po ashtu kreu i Lipjanit, tha se, me buxhetin e vitit 2015, komuna ka planifikuar të ndaj mjete për blerjen e inventarit , në mënyrë që biblioteka të jetë sa më e pajisur dhe funksionale.
Në anën tjetër Grigorioz Krallis, menaxher i projektit nga zyra e Komisionit Evropian, tha se ne jemi të gatshëm të bëjmë pranimin teknik të punimeve, dhe falënderoi kryetarit për pritjen, po ashtu ai u shpreh optimist në bashkëpunime të tjera.
Ndryshe, ceremonia e hapjes së Bibliotekës së qytetit të Lipjanit, do të bëhet në fund të muajit korrik, ose me fillim të muajit gusht të vitit 2015.