28 janar 2015- Kryetari i komunës së Lipjanit, Imri Ahmeti, ka pritur sot në takim, komandantin e Detashmentit të Përbashkët Rajonal- Qendra ( JRDC) të KFOR-it- kolonelin Corrado Benzi.
Kryetari Ahmeti ka falënderuar, komandantin e Detashmentit të Përbashkët Rajonal- Qendra ( JRDC) të KFOR-it , kolonel Benzi për bashkëpunimin e treguar, si dhe e ka njoftuar për gjendjen e sigurisë në komunën e Lipjanit.
“ Gjendja e sigurisë në komunën e Lipjanit është e qetë, nuk ka ndonjë incident që zbeh imazhin, duke pasur parasysh që në komunën e Lipjanit, jetojnë komunitete të ndryshme” , ka theksuar kryetari Ahmeti, duke shtuar se, vlerëson rolin e KFOR-it, sidomos në fushën e sigurisë, por edhe në bashkëpunimin e realizimit të projekteve të ndryshme.
Ndërsa, komandanti i Detashmentit të Përbashkët Rajonal – Qendra ( JRDC ) të
KFOR – it, koloneli Corrado Benzi, ka falënderuar kryetarin Ahmeti për pritjen dhe ka shprehur përkushtimin e tij për bashkëpunim të mëtutjeshëm mes Komunën së Lipjanit dhe KFOR – it.