Kryetari i Komunës së Lipjanit, Imri Ahmeti, ka mbajtur takimin e radhës me Grupin Punues për Hartimin e Planit për Mirëmbajtjen e Hapësirave Publike në Komunën e Lipjanit.
Në këtë rast kryetari Ahmeti, theksoi rëndësinë dhe nevojën e këtij plani si dhe hartimin e një strategjie afatgjate të hapësirave publike.
Kreu i Lipjanit tha, se qëllimi i këtij takimi është të diskutohet, Plani i Mirëmbajtjes së Hapësirave Publike dhe Plani Investiv i Zgjerimit dhe Mirëmbajtjes së Hapësirave Publike në Komunën e Lipjanit.
Po ashtu, ai ka premtuar se do të ketë investime shtesë duke përfshirë gjelberimin e qytetit, ndriçimin dhe mirëmbajtjen e hapësirave publike në Komunën e Lipjanit, duke qenë optimist se ky plan do t’i japë Lipjanit një pamje më të mirë.