Në mbledhjen e rregullt të së hënës të Këshillit të Drejtorëve, kryetari i Komunës së Lipjanit, Imri Ahmeti, ndër shumë çështje të tjera, ka folur edhe rreth vlerësimit të Indeksit të Konkurrencës në Komuna ( IKK), e cila ishte organizuar nga USAID dhe UBO consulting, ku në këtë rast, komunën e Lipjanit e kishte renditur në vend të dytë, në disa kategori dhe në të parin.
“ Në raport me vitin 2013, Komuna e Lipjanit në disa kategori del edhe e para, por nga ai i përgjithshmi jemi të dytit në niveli vendi, prandaj kjo është një mirënjohje e përbashkët, normalisht dhe një shtytje për të punuar dhe për t’u angazhuar edhe më shumë”, ka theksuar kryetari Ahmeti.
Ndryshe, komuna e Lipjanit është gjendur në top 3 përformuesit më të mirë,të komunave, si në atë të përforamcës , atë të administratës komunale, si dhe në atë të përmirësimit të infrastrukturës komunale/Komuna e Lipjanit-faqja zyrtare/
