Pas raportimit të LipjaniNews se në fshatin Banulë në një rrug lokale është bërë emërtimi në gjuhën Serbe, ka reaguar Komuna e Lipjanit se emërtimet e rrugëve në Komunën e Lipjanit, janë proces i punës së ekzekutivit të mëhershëm.
“Emërimet e rrugëve në Komunën e Lipjanit, janë proces i punës së ekzekutivit të mëhershëm,që ka nxjerr kuvendi komunal në vitin 2013, dhe këto emërtime nuk janë të kësaj legjislature, ka theksuar kryetari i komunës së Lipjanit, Imri Ahmeti.
Kryetari Ahmeti, gjithashtu ka demantuar lidhur me spekulimet e bëra, për emërtimin e rrugëve, siç është ai në rastin e fshatit Banullë.
“ Këto emërtime kanë të bëjnë me zonat kadastrale, dhe nuk janë nënkompetencën territoriale të Komunës së Lipjanit. Emërtimet janë aprovuar nga kuvendi komunal i vitit 2013, që do të thotë janë bërë nga legjislatura e kaluar, jo në mandatin tonë” , ka thënë Ahmeti, duke shtuar se, pakënaqësitë dhe reagimet e qytetarëve, për emërtime të tilla janë produkt i mostransparencës, si dhe mungesës së debatit me banorët e këtyre lokaliteteve.
Ahmeti, po ashtu i ka ftuar qytetarët e Komunës së Lipjanit, që pakënaqësitë eventuale t’i adresojnë ( menaxhojnë), vetëm në mënyrë institucionale dhe përmes rrugëve ligjore”, thuhet në njoftimin e Komunës së Lipjanit.