Sergio Aguero është shprehur i kënaqur me fillimin e sezonit të ri, ndërsa ka theksuar se nuk po konkurron me Zlatan Ibrahimovicin për golashënuesin më të mirë të Ligës Premier.

Sulmuesi i Manchester Unitedit ka shënuar tre gola në dy ndeshjet e para kampionale, ndërsa nuk ishte protagonist në fitoren prej 1-0 kundër Hull Cityt.

Nga ana tjetër, sulmuesi i Manchester Cityt mund ta tejkalojë 34-vjeçarin në listën e golashënuesve, nëse realizon kundër West Hamit.

“Ibrahimovic dhe unë e kemi nisur sezonin në formë të shkëlqyer, duke shënuar gola”.

“Mirëpo, unë nuk e kam në plan të konkurroj me të. Unë konkurroj me veten. Përpiqem ta përmirësoj veten nga sezoni i mëparshëm”, ka deklaruar 28-vjeçari. /Telegrafi/