Donato Di Campli, agjenti i Marco Verratti për Premium Sport ka thënë se vlera e klientit të tij është aq sa ajo e Paul Pogbas.
Mesfushori i Paris Saint Germain, është duke u kërkuar nga shumë klube të mëdha evropiane, por sipas agjentit, italiani do të rinovojë me kampionët francez.
“30 milionë euro për Verrattin? E pakuptimtë, klienti im vlen shumë më shumë”.
“Marco vlen aq sa Pogba, pra rreth 70 milionë euro. Por, vështirë se do të largohet nga Parisi, pasi ai ka vlerën aq sa Mona Lisa”.
“Ne jemi duke pritur rinovimin dhe besoj se do të vijë shumë shpejt”, ka thënë Di Campli. /Telegrafi/
