Kryetari i Partisë së Drejtësisë, Ferid Agani, në një intervistë për televizionin Rrokum, ka thënë se vendi ynë është i rrezikuar nga radikalizmi jo më shumë se shtetet e rajonit dhe më gjerë. Ai thotë se hetimet në vazhdim, kanë për të treguar se deri në çfarë shkalle ka arrit ky rrezik.

Agani ka insistuar se radikalizmi nuk është vetëm pjesë e vendit tonë, por e shumicës së vendeve në botë.

Duke folur për shkaqet që kanë shtyrë deri te një radikalizëm në vendin tonë, Agani përmend disa arsye, pa përjashtuar edhe ligjëratat që janë mbajt nga hoxhallarët nëpër xhamit në vendin tonë.

Lidhur me rezultatet për këtë çështje, Agani mendon se nuk kemi për të pasur rezultate kënaqshme nëse nuk eliminohen në të njëjtën kohë radikalistët, në këtë rast me motive islame dhe islamofobët.

Agani thotë se edhe në transmetimin e mediave, ka nga pak senzacionalizëm.

I pari I PD-së, thotë se nuk bëhet fjalë që Kosova për momentin të ketë imazh pozitiv. Agani mendon se përkundër vakuumit institucional që është në vend, organet kompetente po kryejnë punën e tyre.

Më tej, ai tha se duhet bërë më tepër pas konstituivit të qeverisë së re, për gjetjen e përgjigjeve adekuate ndaj shkaqeve që po e sjellin radikalizmin mbi çështje fetare, pa marrë parasysh ato./Telegrafi/