Tre gola i ka shënuar Manchester City në udhëtimin në St. Mary’s Stadium kundër Southamptonit.

Gjysma e parë nuk prodhoi gola, porse pak minuta brenda të dytës, Yaya Toure mori një top nga Aguero dhe goditja e tij ishte e pandalshme (51’)

Në minutën e 74, mysafirët mbetën me një futbollist më pak në fushë pas përjashtimit të Eliaquim Mangalas me kartonin e dytë të verdhë, por kjo nuk i pengoi që të shënonin edhe dy gola të tjerë.

Milner u angazhua mirë nga e majta dhe me qetësi pasoi te Frank Lampard, i cili e dërgoi topin në rrjet (80’).

Gael Clichy realizoi golin e tretë në këtë ndeshje dhe të parin personal për klubin (88’). Lampard dhe Aguero që dha asistin i ndihmuan për arritjen e këtij qëllimi.

Manchester City është në vend të dytë në tabelë me 27 pikë, gjashtë më pak se Chelsea që është në krye të tabelës. /Telegrafi/