Afro 30 minuta lojë shtesë në ndeshjen Angli – Iran, çfarë kishte paralajmëruar Collina lidhur me këtë

PUBLIKUAR

fër 30 minuta shtesë në ndeshjen Angli – Iran befasuan shumë, por ish-gjyqtari i njohur, Pierluigi Collina, ka shpjeguar pse koha do të ishte më e gjatë në ndeshjet e Kupës së Botës.

“Tre Luanët” shënuan fitore me rezultatin 6:2, në ndeshjen e tyre të parë në Kupën e Botës – transmeton Gazeta Express.

14 minuta shtesë ishin në pjesën e parë të kësaj ndeshjeje, kurse 10 minuta në pjesën e dytë.

Në pjesën e parë ishte rasti me portierin e Iranit, Alireza Beiranvand, i cili mori ndihmë nga stafi mjekësor pas përplasjes me kokë me shokun e tij të skuadrës, Majid Hosseini, me portierin që pastaj u zëvendësua nga loja. VAR-i gjithashtu mori pak kohë për një penallti të mundshme për Anglinë.

Koha e gjatë e te lëndimi i portierit befasoi shumë, por Collina kishte paralajmëruar javën e kaluar se tifozët duhet të prisnin situata të tilla në Katar.

“Ajo që ne bëmë tashmë në Rusi [2018] ishte llogaritja më e saktë e kohës për t’u kompensuar”, tha për “ESPN” kryetari i komitetit të gjyqtarëve të FIFA-s.

“Ne u thamë të gjithëve që të mos habiten nëse e shohin zyrtarin e katërt duke ngritur tabelën elektronike me një numër të madh në të, gjashtë, shtatë apo tetë minuta. Nëse doni më shumë kohë aktive, ne duhet të jemi gati për të parë këtë lloj kohe shtesë të dhënë. Mendoni për një ndeshje me tre gola të shënuar. Një festë zakonisht zgjat një, një minutë e gjysmë, kështu që me tre gola të shënuar, humbisni pesë ose gjashtë minuta”, shtoi ai.

“Ajo që duam të bëjmë është të llogarisim saktë kohën e shtuar në fund të çdo pjese. Mund të jetë zyrtari i katërt që e bën këtë, ne ishim të suksesshëm në Rusi dhe presim të njëjtën gjë në Katar. Nuk po flas për ndërhyrjen e VAR-it, kjo është diçka e ndryshme dhe e llogaritur në mënyrë shumë precize nga video-asistent gjyqtari”, tha tutje ish-gjyqtari italian.

“Edhe në kohën kur isha gjyqtar, informacioni [për kohën shtesë] erdhi nga gjyqtari i katërt, ju jeni shumë të fokusuar në atë që po ndodh dhe është e mundur të mos merrni parasysh diçka. Është gjyqtari i katërt që zakonisht propozon sasinë e kohës së shtuar dhe gjyqtari lihet të vendos dhe vendos”, deklaroi Collina.

Pierluigi Collina është ndoshta gjyqtari më ikonë në historinë e futbollit. Ai u zgjodh gjashtë herë radhazi si gjyqtari më i mirë i vitit dhe u emërua Kryetar i Komitetit të Gjyqtarëve të FIFA-s në vitin 2017. /Gazeta Express/

LAJME TË TJERA

Arrestohen katër persona për dhunë në familje në Ferizaj, Kaçanik, Shtime dhe Shtërpcë

Me datën 08.12.2022, në katër  raste të ndara janë arrestuar katër persona për dhunë...

AGK dënon sulmin ndaj dy gazetarëve në Veri, kërkon siguri

Asociacioni i Gazetarëve të Kosovës (AGK), ka dënuar sulmin ndaj gazetarëve të Kallxo.com, në...

Messi nuk është duke e marrë në konsiderim kthimin në Barcelonë

Muajve të fundit ka pasur shumë thashetheme që argjentinasi dëshiron të kthehet në Kataloni,...

Gjashtë arsye se përse njerëzit inteligjentë nuk mund të jenë të lumtur

Personat me një nivel të lartë të inteligjencës mund të jenë më të suksesshëm...

SHIKO MË SHUMË

Messi nuk është duke e marrë në konsiderim kthimin në Barcelonë

Muajve të fundit ka pasur shumë thashetheme që argjentinasi dëshiron të kthehet në Kataloni,...

Presidenti i PSG-së beson se Messi do të rinovojë kontratën me klubin, pas përfundimit të Kupës së Botës

Presidenti i Paris Saint-Germainit, Nasser Al-Khelaifi, është i bindur se Lionel Messi do të...

Liverpool favorit për të nënshkruar me mesfushorin Ambrabat

Liverpool shfaqet si favorit për të nënshkruar për mesfushorin e Marokut Sofyan Amrabat, edhe...