Lojtari me më së shumti gola në skuadrën aktuale të Italisë mund të jetë befasi për shumë njerëz, sepse ai është kapiteni dhe qendërmbrojtësi Giorgio Chiellini.
Qendërmbrojtësi i Juventusit do ta regjistrojë paraqitjen e 100-të për Italinë sonte kundër Portugalisë, saktësisht 14 vite pas debutimit të tij, transmeton Gazeta Express.
Chiellini është ndër lojtarët e pakët me përvojë në skuadrën e Roberto Mancinit, pasi vetëm ai dhe Leonardo Bonucci i kanë më shumë se 40 ndeshje për “Azzurët”.
Çfarë habit më shumë është fakti se Chiellini është lojtari me më së shumti gola në këtë skuadër, po ashtu.
Chiellini i ka shënuar tetë gola në 99 paraqitje për Italinë deri tani. Ndërsa, sulmuesi Ciro Immobile është i dyti me shtatë gola në 34 paraqitje. /Express/
