Kane ka shkuar në kuotën e 53 golave me het-trikun kundër Burnley, tani synon ta barazojë Messin apo edhe ta kalojë krejtësisht atë si golashënuesi më i mirë për vitin 2017.
Me golin nga penalltia në fitoren e thellë të Barcelonës kundër Real Madridit të shtunën në mesditë në “Santiago Bernabeu”, Lionel Messi tani i prinë listës së golashënuesve për vitin 2017, në top pesë ligat kryesore në Evropë.
Goli në fitoren 0-3 të Barcelonës në El Clasico ishte i 54-ti për yllin argjentinas brenda vitit kalendarik 2017, transmeton shkruan Gazeta Express.
Fillimisht u mendua se Messi po shkon sigurt drejt këtij çmimi, por argjentinasi rrezikohet tani nga Harry Kane i Tottenhamit.
Me tre golat kundër Burnley të shtunën, anglezi shkoi në kuotën e 53 finalizimeve dhe synimi tani është që ta barazojë Messin apo edhe ta kalojë krejtësisht atë.
Kane aktualisht ka gola sa Cristiano Ronaldo, Robert Lewandowski dhe Edinson Cavani, që të katërt nga 53.
Për dallim nga Kane, i cili do të ketë mundësi ta përmirësojë rekordin e tij kundër Southampton më 26 dhjetor, Messi, Ronaldo, Lewandowski dhe Cavani tashmë e kanë përmbyllur vitin 2017. /Gazeta Express/