Gjiganti gjerman, Bayern Munich është duke kërkuar një pasardhës të kapitenit Philipp Lahm.

Rekordmenët e Gjermanisë janë fokusuar në tregun portugez dhe janë futur në bisedime me Benficasn për mbrojtësin e djathtë Nelson Semedo.

23-vjeçari është rritur shumë në aspektin sportiv viteve të fundit dhe ka arritur të zë vend edhe në Kombëtaren e Portugalisë.

Nga 16 ndeshjet e zhvilluara në elitën e futbollit portugez, Semedo ka shënuar një gol dhe ka bërë tre asistime.

Bayern e dëshiron lojtarin si zëvendësim të legjendës Philipp Lahm i cili duket se do ta përfundoi karrierën në fund të stinorit.

Për ta transferuar në ‘Allianz Arena’ portugezin, Bayern duhet të paguajë rreth 30 milionë euro. /Telegrafi/