Komuna e Lipjanit përmes një njoftimi ka thënë se edhe në orët e vona të natës së sontme do të vazhdohet me hapjen dhe pastrimin e rrugëve në fshatrat malore si janë: Leletiq, Resinovc, Baicë, Shalë dhe Krojmir. Po ashtu, nesër do punohet edhe në vendbanimet e mbetura të thella malore Kleçkë , Divjakë dhe Brus në mënyrë që të gjitha fshtrat e Komunës sonë të kenë qarkullim të lirë, thuhet në njoftim.

Njoftimi i plotë nga Komuna Lipjanit…

Të nderuar qytetarë të Komunës së Lipjanit, ju njoftojm se Komuna po vazhdon edhe tani me pastrimin dhe hapjën e rrugëve edhe në këto orë të vona të mbrëmjes dhe do të punohët pa ndërprerë, deri sa do të pastrohen të gjitha rrugët në të gjitha vendbanimet e komunës tonë.
Gjatë ditës së sotme është punuar në hapjën dhe pastrimin nga bora në këto fshatra: Gadime e Poshtme, Babush, Janjevë, Qallapek, Gllavicë, Marevc, Llugaxhi, Bujari, Pojatë, Rubovc, Kojskë, Gllogovc, Banullë, Hallaq i Madh, Kraishtë, Ribar i Madh, Grackë, Bregu i Zi, Dobrajë e Madhe, Llugë, Gllanicë, Dobrajë e Vogël dhe Konjuh. Po ashtu, janë hapur edhe shumë rrugë dytësore të lagjeve brenda qytetit të Lipjanit.
Edhe në orët e vona të natës së sontme do të vazhdohet me hapjen dhe pastrimin e rrugëve në fshatrat malore si janë: Leletiq, Resinovc, Baicë, Shalë dhe Krojmir. Po ashtu, nesër do punohet edhe në vendbanimet e mbetura të thella malore Kleçkë , Divjakë dhe Brus në mënyrë që të gjitha fshtrat e Komunës sonë të kenë qarkullim të lirë.
Falenderojmë qytetarët, të cilët kishin mirëkuptim dhe me vetiniciativë punuan në hapjën e rrugicave të tyre familjare , apo të lagjes. Falenderim të veqantë është për kompanitë private si:”DINO”, “Dragaqina”, “PARAJSA”, “Rexha-Compani” dhe “Xhema-Compani”si dhe KUR PRISHTINA-Njësia në Lipjan, të cilat edhe sot vazhduan të na ndihmojnë në këtë situatë emergjente në disa fshatra.
Ne do të vazhdojmë edhe në ditët në vijim deri në hapjën e të gjitha rrugëve për të ju mundësuar qytetarëve lëvizje të lirë. Për shkak të paralajmërimit të motit me temperatura të ulta, lusim qytetarët që të kenë kujdes gjatë vozitjës.