E ardhmja e Ergys Kaçes mbetet në udhëkryq. Në pritje për të mësuar skuadrën me të cilën do të luajë në pjesën e dytë të sezonit, mesfushori shqiptar duket se nuk është pjesë e planeve të PAOK-ut.

Mesfushori nga Korça nuk është grumbulluar fare për ndeshjen e mbrëmshme ndaj Levadiakosit, të cilën PAOK-u e fitoi me rezultat 0:1.

Gjatë javës së kaluar në media është përfolur për një interesim të Skënderbeut edhe Kukësit, të cilët synojnë të përfitojnë nga situata për ta sjellë Kaçen në Kategorinë Superiore.

Gjatë janarit Kaçe duhet të bëjë një zgjedhje pasi nuk bën pjesë në planet e skuadrës nga Selaniku. /Express/