Axel Witsel ka refuzuar Juventusin për t’u transferuar në Kinë, zgjedhje që belgu thotë se e kishte shumë të vështirë për të marrë
Kampionët e Italisë, Juventusi, kanë humbur betejën me skuadrën kineze Tianjin Quanjian për Axel Witsel. Sipas “Tuttosport”, kinezët i ofruan 18 milionë euro në sezon Witselit, diçka që e shtyri të refuzojë ofertën e Juvenutsit.
27 vjeçari thotë se e kishte të vështirë për të refuzuar Juventusin, por në fund vendosi për të mirën e familjes së tij.
“Ishte vendim shumë i vështirë pasi ata janë klub i madh”, tha fillimisht ai.
“Por, kisha ofertë të mirë që nuk mund ta refuzoja, kjo është në të mirën e familjes time”, theksoi belgu.
“I uroi gjithë të mirat Juventusit, shpresoj të fitojnë Ligën e Kampionëve. Unë do të bëjë tifo për ta. Ku i dihet, ndoshta në të ardhmen do të na bashkohen rrugët”, shtoi më tej Witsel. /Express/
