Një nga pretendentët më serioz për MVP këtë sezon, James Harden, ka shkëlqyer në fitoren e ekipit të tij ndaj New York Knicks.
Houston Rockets mposhti NY Knicks në Toyota Arena me rezultat 129-122 ku James Harden ishte totalisht jashtë çdo normaliteti.
Ai realizoi 53 pikë, 16 kërcime dhe 17 asistime dhe bëhet lojtari i parë që realizon së paku 50 pikë, 10 kërcime dhe 10 asistime, duke tejkaluar secilin limit të mundshëm të një basketbollisti në aspektin ofensiv.
Harden u ndihmua nga Ryan Anderson me 25 pikë dhe Eric Gordon me 15 pikë.
Pas kësaj fitore Houston Rockets okupon me të drejt pozitën e tretë në konferencën perëndimore, teksa James Harden vazhdon të konfirmojë se ëshë një nga pretendentët më serioz për MVP këtë sezon bashkë me Russell Westbrook. /Telegrafi/
